Morgunverður fyrir húðina
27 janúar 2012 - Heiða Þórðar
Þessi yndislegi morgunverður fyrir andlit og háls, skilur húð þína eftir silkimjúka og stinna á morgnana. Þessi uppskrift er fyrir nokkrar meðferðir, þannig að sniðugt er að sameinast með vinkonunum að morgni og splæsa í dekur og smá spjall.
Það sem til þarf er einfaldlega:
1 bolli haframjöl
2 matskeiðar hunang
2 teskeiðar sykur
1/2 bolli mjólk
1 - 2 dropar af uppáhalds olíunni þinni (lavander fyrir þurra til normal húð og sítrónu olíu fyrir feita húð) 
Byrjaðu á að setja haframjölið og sykurinn í skál, blandaðu vel. Settu loks hunangið út í og vertu viss um að hunangið blandist vel haframjölinu og sykrinum áður en þú heldur áfram.
Bættu mjólkinni saman við smátt og smátt og hrærðu vel á milli. Passa verður að setja ekki of mikla mjólk í einu, þá verður maskinn of ,,blautur". Maskinn á að vera þykkur þannig að hann haldist á andlitinu.
Settu olíuna saman við og blandaðu enn og aftur vel. Þegar maskinn er tilbúinn og laus við kekki er hann settur í ísskáp í minnst 5 mínútur.
Berðu þykkt lag á andlit (passaðu augun) og háls og slakaðu á í minnst 30 mínútur.
Hreinsaðu maskann af með volgu vatni og hreinum klút og berðu á húðina gott rakagefandi krem. Dagurinn getur ekki klikkað.
heida@spegill.is
Ástin er gildra. Þegar hún birtist sjáum við aðeins ljósið, ekki skuggana.- Paulo Coelho
Leita
Ritstýrur
