Humarsúpa með grænmeti
3 febrúar 2012 - Steinunn Fjóla Jónsdóttir
Ég er aðdáandi kokkalandsliðsins eins og kunnugt er orðið, enda nauðsynlegt að elda stundum íslenskt hér suður frá. Til að halda í andann þið vitið. Þessi súpa er nú samt sem áður kannski ekki séríslenskt mataræði frá fyrri tíð. En góð er hún og einföld í matreiðslu. Svo má dúlla meira við hana ef fólki líst þannig á. Ég er svolítið svoleiðis.
En hér er hún eins og hún kemur úr kúnni...frá liðinu okkar:
20 humarhalar
800 ml humarsoð
250 ml rjómi
sítrónusafi
200 g fínt skorið grænmeti (t.d. paprika, gulrætur eða laukur)
Í eldhúsinu:
Salt og pipar
Sjóðið soðið niður í um 350 ml.
Hrærið rjóma saman við, bætið grænmetinu úti, kryddið með smá sítrónusafa og salti og pipar.
Bætið humrinum í og framreiðið heitt.
...en ekki hvað?
steina@spegill.is
"Don't compromise yourself. You are all you've got." —Janis Joplin-
Leita
Ritstýrur
