Bláberjasprengja
6 febrúar 2012 - Heiđa Ţórđar
Þessi drykkur er sannkölluð sprengja inn í daginn. Og ekki bara það, heldur einstaklega bragðgóður og afar mettandi. Og fallegur!
Það sem þarf í drykkinn er:
2 appelsínur
1 askja bláber (eða 250 grömm frosin bláber)
Kanill
Fersk mynta
2 msk hunang
1 hrein jógúrt eða vanilluskyr
Hreinn appelsínusafi
Appelsínurnar flysjaðar og settar í blandarann ásamt jógúrtinu (eða skyrinu) og bláberjunum.
Því næst er handfylli af ferskri myntu og örlitlu af kanil bætt saman við ásamt 3-4 ísmolum. Öllu blandað saman. Bætið við hreinum appelsínusafa eftir smekk. Það er að segja, eftir því hversu þykkan drykk þú kýst.
Þegar tilbúið, hellið í ykkar allra fallegasta glas. Skreytið brún glassins með myntu og einnig er fallegt að láta nokkur bláber liggja ofan á.
heida@spegill.is
"Don't compromise yourself. You are all you've got." —Janis Joplin-
Leita
Ritstýrur
