Eldhúsið
Marengo kjúklingur
20 febrúar 2012 - Steinunn Fjóla Jónsdóttir
Marengo er nafnið á þessum kjúklingarétti sem ég rak nefið í um daginn. Og prófaði, en ekki hvað? Mér skilst að þessi klassíska uppskrift nái allt aftur til Napóleons en ég sel það nú ekki dýrara en ég keypti það. Hitt er annað, að hér er listagóð uppskrift á ferðinni og virkilega þess virði að bæta í kjúklingabunkann hjá þér.
Allt í steik? Holl sunnudagssteik
19 febrúar 2012 - Heiða Þórðar
Nú skulum við elda eitthvað hollt og gott fyrir fjölskylduna. Eldum blóðrauða steik, án þess að borða kjöt.
Allt í lagi, kannski ekki blóðrauða...lokaðu bara augunum...hugurinn er svo magnaður. Þessi uppskrift klikkar ekki, safarík og einstaklega bragðgóð.
Súkkulaðimús Stínu og Oprah
19 febrúar 2012 - Kristín Einarsdóttir
Langar til að deila með ykkur dásamlega einfaldri eftirréttauppskrift. Upphaflega fékk ég hana frá sálusystur minni Oprah Winfrey. Það besta við þessa uppskrift er hversu fljótleg og einföld hún er.
Stútfull súpa
18 febrúar 2012 - Steinunn Fjóla Jónsdóttir
Ég tók mig til um daginn og byrjaði að tilraunast með linsubaunir, svo skelfing næringarríkar. Ég er viss um að samkrullið af chia, linsum og öllu öðru sem ég raða hér á borð...stútfyllir okkur stelpurnar af hollustu. Við ljómum að innan sem utan. Svo er klósettpappírinn með ilmefnum. Ilmandi sálir og afturendar skottast nú um í kringum mig. En hér er súpan...þetta var útúrdúr.
Uppskriftir án sykurs, hveitis og sterkju
18 febrúar 2012 - Erla Björg Eyjólfsdóttir
Það eru ýmsir sem forðast sykur, hveiti og sterkju af margs konar ástæðum. Auðvitað getur verið erfitt að gramsa eftir uppskriftum sem ekki innihalda einmitt þetta. Erla er okkur hér innan handar. Kíktu á þetta...
Bolla bolla bolla -uppskriftir
16 febrúar 2012 - Heiða Þórðar
Bolludagurinn með öllu sínu rjómaáti er handan við hornið. Mér finnst það æði, elskar bollur. Sitt sýnist hverjum, en flestir sem ég þekki eru hrifnastir af þessum klassísku vatnsdeigsbollum. Ég er ein af þeim.
Uppskriftirnar hér að neðan eru einfaldar í framkvæmd. Og vatnsdeigsbolludeigið, hefur aldrei klikkað.
Saltkjöt og baunir
16 febrúar 2012 - Steinunn Fjóla Jónsdóttir
Jæja þá, nú er komið að því. Það styttist í saltkjötið og baunirnar. Þjóðlegt og gott, virkilega kraftmikið. Þetta þurfum við víkingarnir. Ekkert væl, sjóddu saltkjöt og baunir!
Hollar stangir
15 febrúar 2012 - Steinunn Fjóla Jónsdóttir
Vantar ekki oft smá aukabita í nestisboxið? Eitthvað svona semi sætt en jafnframt saðsamt og bragðgott. Svona stangir eru oft í dýrari kantinum, því ekki að búa þær til sjálfur bara? Kokkalandsliðið á svona í öllum skúffum held ég. Heppnir þeir sem seilast í bita milli mála á þeim bænum.
Chili sultan
12 febrúar 2012 - Steinunn Fjóla Jónsdóttir
Já, ég nota greini í fyrirsögn, því þetta er eina chili sultan sem mér finnst bera nafn með rentu. Tær og sjóðandi heit snilld. Með ostabakkanum, eða skella yfir haug af rjómaosti og dýfa kexinu á bólakaf. Heitt heitt heitt stelpur. Æði!
Súpa sem þjónar æðri tilgangi
11 febrúar 2012 - Erla Björg Eyjólfsdóttir
Við erum öll á einhverjum tímapunkti að taka okkur á, hvort sem viðkemur bættara útliti, lífsstíl eða heilsu. Nóg er til af lausnum og hugmyndum. Hvort sem það er krem, pilla, aðgerð eða einfaldar og flóknar heilsusamar uppskriftir.
Geggjaður gulrótardrykkur
11 febrúar 2012 - Heiða Þórðar
Í þessum heilsusamlega orkudrykk eru það gulræturnar sem eru í aðalhlutverki.
En gulrætur eru þvagörvandi og hjálpa til við að losa við bjúg og blöðrubólgu. Gulrætur draga úr eituráhrifum og eru því hentugar gegn exemi og unglingabólum. Þær eru einnig sagðar geta haft góð áhrif á liða- og þvagsýrugigt.
Fiskbollur
10 febrúar 2012 - Steinunn Fjóla Jónsdóttir
Já, ég er alltof löt við svona gamla og góða heimilisrétti. Ég er í öllu öðru svo vikum skiptir stundum...alltaf að prófa eitthvað nýtt endalaust. Stundum verður maður bara að fara á upphafsreitinn; back to the basics eins og það stendur. Og nú bregð ég fyrir mig kokkalandsliðinu, þeir eru góðir í svona ömmubollum úr fiski.
Hrein hollusta og himnesk
10 febrúar 2012 - Heiða Þórðar
Hér er um að ræða einstaklega góðan og einfaldan heilsudrykk. Sérstaklega góður fyrir þá sem eru með mjólkuróþol.
Mjólkuróþol er kallað svo, þegar einstaklingur getur ekki melt mjólkursykur (laktósa). Þessa einstaklinga skortir nægilegt magn ensíma sem kallast laktasi, en það gegnir því hlutverki að brjóta niður mjólkursykurinn í meltingarvegi.
Linsubaunir á Spáni
9 febrúar 2012 - Steinunn Fjóla Jónsdóttir
Þegar ég hugsa um orðið á íslensku, þá kemur upp í huga mér linsubaunabuff...einhverra hluta vegna. Ég hef aldrei nokkurn tíma smakkað þetta blessaða buff. Man bara eftir einhverri hollustulesningu þar sem það kom fyrir. Já, lesning um hollustu þurfti það að vera. En það var á Íslandi. Þegar ég heyri linsubaunir í dag, þá tengist það ævafornri og fastri hefð í spænskum eldhúsum. Hér eru lentejas á spænskum borðum vikulega ef ekki oftar. Og hlustiði nú, það er ekkert buff á ferðinni. Bara bragðgóð hollusta í potti.
Vatnslosandi heilsudrykkur
8 febrúar 2012 - Heiða Þórðar
Sumir myndu nefna þennan orku- og heilsudrykk megrunardrykk, þar sem hann er afar vatnslosandi.
Ég er persónulega lítt gefin fyrir slíkar nafna-"bætur", en fullyrði að ef þú setur þennan drykk á matseðilinn, muntu losna við bjúg, fljótt og örugglega.
Kjúklingur í engifer
7 febrúar 2012 - Steinunn Fjóla Jónsdóttir
Það er aldrei til nóg af hugmyndum um kjúkling. Endalaust hægt að tjútta við kauða, bæði á pönnu og í ofni. Það er ekki verra að hafa stundum bragðið pínu framandi...við eigum það til að festa okkur í viðjum vanans sumar. Ekki ég...nei, alls ekki ég. Datt þér það í hug? Hvaða vitleysa, hér er rjómafín hugmynd handa þér frá mér.
Engifer og epla -smoothie
7 febrúar 2012 - Heiða Þórðar
Ég elska engifer. Inni í kæli á ég alltaf til blöndu sem ég hef útbúið sjálf og er fáranlega auðveld í framkvæmd og samanstendur af sítrónu, engifer, hunangi og vatni. Þetta sýð ég allt saman og læt kólna vel áður en ég set í lofttæmdar umbúðir og geymi í kæli. Ég hef fyrir venju að drekka einn bolla á hverjum morgni af þessum drykk áður en ég geri nokkuð annað. Hér á eftir fer þó drykkur sem fullyrt er að sé algjör heilsubomba. Að auki fer drykkurinn einstaklega vel í maga.
Bláberjasprengja
6 febrúar 2012 - Heiða Þórðar
Þessi drykkur er sannkölluð sprengja inn í daginn. Og ekki bara það, heldur einstaklega bragðgóður og afar mettandi. Og fallegur!
Ýsa sem slær í gegn
5 febrúar 2012 - Heiða Þórðar
Uppskriftin sem ég birti hér að neðan er skuggalega góð.
Eða; uppskrift að ýsu sem slær í gegn hjá mínu liði. Ekki er verra að fiskur er næringarríkur, og að auki náttúrulegt "boost" fyrir heilann.
Humarsúpa með grænmeti
3 febrúar 2012 - Steinunn Fjóla Jónsdóttir
Ég er aðdáandi kokkalandsliðsins eins og kunnugt er orðið, enda nauðsynlegt að elda stundum íslenskt hér suður frá. Til að halda í andann þið vitið. Þessi súpa er nú samt sem áður kannski ekki séríslenskt mataræði frá fyrri tíð. En góð er hún og einföld í matreiðslu. Svo má dúlla meira við hana ef fólki líst þannig á. Ég er svolítið svoleiðis.
Ástin er gildra. Þegar hún birtist sjáum við aðeins ljósið, ekki skuggana.- Paulo Coelho
Leita
Ritstýrur
