Ráðabrugg
Ertu með flösu?
20 febrúar 2012 - Steinunn Fjóla Jónsdóttir
Heimatilbúin úrræði til að berjast við flösu í hársverði henta hárinu þínu miklu betur en efnin sem notuð eru í sjampó og áburð ýmiskonar út úr búð og apóteki. Þessi meðferð hér er tvíhliða; fyrst notarðu hörfræ olíu í hárið og fylgir því eftir með eplasíder ediki, sem er bráðsnjallt gegn bakteríum.
Sykursætur skrúbbur
19 febrúar 2012 - Steinunn Fjóla Jónsdóttir
Sykur er betra val en salt í andlitsskrúbba, hann rífur ekki eins í skinnið. Þegar dauðar húðfrumur safnast á yfirborði húðarinnar, er mikilvægt að skófla þeim í burtu. Það gerir ekkert nema gott, og opnar fyrir stíflur í leiðinni.
Haframjöl á húðina
19 febrúar 2012 - Steinunn Fjóla Jónsdóttir
Ég er orðin hálfgerður kuklari síðan við skelltum Speglinum í loftið í haust sem leið, alveg satt. Því nú geri ég reglulega úttekt á úrvali af andlitsmöskum, baðolíum og alls kyns húðdóti á netinu. Þá meina ég það sem við getum gert sjálfar heima, það er hrikalega kósý og alveg í stíl við kreppuna. Koma svo stelpur, þessi er æði!
Gluggar
16 febrúar 2012 - Steinunn Fjóla Jónsdóttir
Það fer bráðum að koma vor, látið ekki svona! Segi ég og sit krókloppin við skrifborðið suður á Spáni. Mér hitnar nú kannski ef ég fer í að þrífa gluggana snöggvast. Nei, ég efast um það. En ég mun klárlega þrífa þessar elskur þegar það fer að hlýna og sólin fer að skína.
Bad hair day?
15 febrúar 2012 - Arndís Sigurðardóttir
Er hárið allt í flækju, eða flatt og ómögulegt? Ó við eigum allar svoleiðis daga, ef hárið er ómögulegt er allt ómögulegt.
Góð hárumhirða er svo mikilvæg og langaði mig því að deila með ykkur uppskrift af djúpnæringu sem gerir hárið dúnmjúkt og fallegt svo ekki sé minnst á dásamlega kókosilminn sem henni fylgir.
Langar þig í eitthvað?
14 febrúar 2012 - Steinunn Fjóla Jónsdóttir
Stundum fáum við þessa óstjórnlegu löngun í eitthvað ákveðið, þið vitið. Oft eitthvað sem við ættum kannski ekkert að vera að fá okkur...eða kannski jú. Allavega, hér er pæling...
Hunang er heilsubót
10 febrúar 2012 - Steinunn Fjóla Jónsdóttir
Ég tók upp á því um daginn að setja smá hunang í teið mitt í stað sykurs. Fannst hugmyndin góð, bara af því bara. Svo sit ég og fletti Frú Kvaran að gamni og rekst á þessar staðreyndir sem konan virðist hafa safnað í bauk. Um hunang. Hún er ekki bara pínu fyndin stundum, henni er líka fúlasta alvara í því sem hún lætur frá sér.
Ólífuolía...mögnuð!
5 febrúar 2012 - Steinunn Fjóla Jónsdóttir
Ólífuolía er til margra hluta nytsamleg, svona þegar salatinu og pönnunni sleppir. Ekki samt nota dýru týpuna í þetta grúsk. Geymdu hana vel í eldhúsinu. Þessi ódýra, sett á spreybrúsa...hún má fara í til dæmis þetta:
Matarinnkaup
1 febrúar 2012 - Steinunn Fjóla Jónsdóttir
Matvöruverslanir eru oft með nokkra verðflokka af sams konar vöru, jafnvel nákvæmlega sömu vöruna í mismunandi umbúðum! Billegustu vörurnar eru þá hafðar í agalega púkalegum pakkningum en hinar í gasalega lekkerum til að réttlæta verðmuninn...svona hefur frú Kvaran lesturinn og ætlar nú að ráðleggja okkur við innkaupin. Við þurfum allar að spara!
Tækifærisgjöf
1 febrúar 2012 - Arndís Sigurðardóttir
Í flestum mánuðum ársins eru einhverskonar uppákomur, stórar og smáar. Oft eru þetta afmæli, innflutningspartý o.s.frv. og þá þarf að huga að gjöfum. En buddan er misstór og oft í enda mánaðarins er hún ansi lítil. Þá er þetta tilvalin tækifærisgjöf sem kostar ekki handlegg og tekur 20 mínútur að útbúa, svo er líka svo gaman að gefa heimatilbúnar gjafir.
Klassísk megrun
27 janúar 2012 - Steinunn Fjóla Jónsdóttir
Auðvitað getur konan ekki komið algerlega í veg fyrir það, að æskublóminn fölni að einhverju leyti, en þótt hún verði frú, þarf hún samt ekki nauðsynlega að komast í það holdarfar, sem gerir hana jafnstóra á alla vegu.
Svona hefst lesturinn er ég fletti upp klassískri megrun hjá frú Kitschfríði Kvaran. Og áfram höldum við...
Morgunverður fyrir húðina
27 janúar 2012 - Heiða Þórðar
Þessi yndislegi morgunverður fyrir andlit og háls, skilur húð þína eftir silkimjúka og stinna á morgnana. Þessi uppskrift er fyrir nokkrar meðferðir, þannig að sniðugt er að sameinast með vinkonunum að morgni og splæsa í dekur og smá spjall.
Gleðjið eiginmanninn eftir vinnu
26 janúar 2012 - Steinunn Fjóla Jónsdóttir
Þegar húsbóndinn kemur þreyttur heim eftir langan dag á vinnustaðnum, þá er ráð að gleðja karlpunginn. Ekki satt? Svo segir Kitschfríður hin ráðagóða. Sjaldan bullar hún, konan sú. Lítið á þetta.
Karlmannleg olía léttir...
23 janúar 2012 - Steinunn Fjóla Jónsdóttir
...konum heimilisstörfin! Eða það segir frú Kvaran vinkona vor. Hlustið á þetta!
Mýkri hendur með rjúkandi kaffi
23 janúar 2012 - Heiða Þórðar
Ef þú ert eins og ég og elskar kaffi þá er þetta rétta uppskriftin fyrir þig. Við ætlum þó ekki að drekka kaffið að þessu sinni. Eða jú, fáum okkur kaffi.
Við verjum sjaldan hendur og fætur og sumir halda að ekkert þurfi að sinna þeim. Ekki rétt.
Sunnudagsdekrið
22 janúar 2012 - Heiða Þórðar
Gleðilegan sunnudag til sælu. Er ekki málið að dúlla aðeins við sjálfa sig, áður en haldið er inn í splunkunýja viku? Treysti því að þið hafið dekrað við húðina í gærmorgun.
Þessi djúpnærandi hármaski er sannkölluð ávaxtasprengjubomba. Sérstaklega góður fyrir þurrt og skemmt hár. Hjálpar til við að afrafmagna hárið.
Laugardagsdekrið
21 janúar 2012 - Heiða Þórðar
Góðan daginn allir, vona að þið séu fersk, svona eins og girnilegur ávöxtur. Hvernig væri að eyða eins og nokkrum mínútum í dekur áður en við höldum út í daginn?
Þessi epla og agúrkumaski er sérstaklega góður fyrir feita húð. Húðin verður silkimjúk á eftir og fersk.
Egg og húðin glóir
20 janúar 2012 - Heiða Þórðar
Við höfum áður birt maska sem samanstóð af einu stykki eggi. Þessi maski er ögn öðruvísi og ætlaður sérstaklega fyrir feita húð.
Jafnvel þó að maskinn innihaldi tvö egg, nægir uppskriftin aðeins í eina meðferð. Á andlit og háls.
25 leiðir til að nota trefla
20 janúar 2012 - Heiða Þórðar
Rakst á þessa skemmtilegu dömu í netheimum. En hún kennir okkur að nota klúta/trefla/slæður á 25 mismunandi vegu á 4.5 mínútum.
Mjög sniðug þessi og ekki síst skemmtilegt hvernig myndbandið er matreitt ofan í okkur...
Þitt eigið mýkingarefni
15 janúar 2012 - Heiða Þórðar
Með því að búa til þitt eigið mýkingarefni, nærðu að spara allt að fjórðung ef mið er tekið af því að þú verslar nánast án undantekninga í lágvöruverslunum. Annars meira...
Ástin er gildra. Þegar hún birtist sjáum við aðeins ljósið, ekki skuggana.- Paulo Coelho
Leita
Ritstýrur
